Իրանի ԶՈՒ-ն ԱՄՆ-ի ծովային շրջափակումն «անօրինական» և «ծովահենություն» է անվանել

Իրանի Զինված ուժերը զգուշացրել են, որ Թեհրանը կիրականացնի «մշտական ​​մեխանիզմ» Հորմուզի նեղուցը վերահսկելու համար՝ ԱՄՆ-ի կողմից այն շրջափակելու սպառնալիքներից հետո։ Իրանական ԶՈՒ-ն Վաշինգտոնի անօրինական է որակել՝ հավելելով, որ այն «կհամարվի ծովահենություն»։ Այս մասին հայտարարություն է տարածել Իրանի «Խաթամ ​​ալ-Անբիա» կենտրոնական շտաբի խոսնակը, գրում է Tasnim լրատվական գործակալությունը։

Նա նշել է, որ Իրանի Զինված ուժերը երկրի օրինական իրավունքների պաշտպանությունը համարում է բնական և իրավական պարտականություն, համապատասխանաբար, երկրի տարածքային ջրերում Թեհրանի ինքնիշխանության իրականացումը իրանական ազգի բնական իրավունքն է։ Ըստ հայտարարության՝ Իրանի տարածքային ջրերում զինված ուժերի կողմից անվտանգության ապահովումը կշարունակվի վճռականորեն և, «ինչպես բազմիցս հայտարարվել է, թշնամու հետ կապված նավերն իրավունք չունեն և չեն ունենա անցնել Հորմուզի նեղուցով, իսկ մյուս նավերին կշարունակվի թույլատրվել անցնել՝ համաձայն ԻԻՀ Զինված ուժերի կանոնակարգերի»։

«Նաև, հաշվի առնելով թշնամու կողմից Իրանի ժողովրդի և մեր երկրի ազգային անվտանգության դեմ շարունակվող սպառնալիքները, նույնիսկ պատերազմի ավարտից հետո Իրանի Իսլամական Հանրապետությունը վճռականորեն կներդնի Հորմուզի նեղուցը վերահսկելու մշտական ​​մեխանիզմ։ Միջազգային ջրերում նավերի տեղաշարժի վրա ԱՄՆ-ի կողմից կիրառվող հանցավոր սահմանափակումն անօրինական գործողություն է և ծովահենության նշան»,- ասվում է հայտարարության մեջ։

Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ ռազմածովային ուժերը կսկսեն շրջափակել Հորմուզի նեղուցով նավարկել փորձող իրանական նավերը։

Թարգմանությունը՝ Էմմա Չոբանյանի