06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Թրամփը հայտարարել է, թե իրեն չի հետաքրքրում՝ արդյո՞ք Իրանը կվերադառնա բանակցություններին
Քաղաքականություն
13.04.2026 | 13:44
ԱՄՆ նախագահ Դոնալդ Թրամփը հայտարարել է, թե իր համար միևնույն է՝ արդյո՞ք Իրանը կվերադառնա Միացյալ Նահանգների հետ բանակցություններին, այն բանից հետո, երբ Պակիստանում բանակցությունները չհանգեցրին համաձայնության։
«Ինձ համար միևնույն է՝ նրանք կվերադառնա՞ն, թե՞ ոչ։ Եթե նրանք չվերադառնան, ես լավ եմ»,- Ֆլորիդայից վերադառնալուց հետո Էնդրյուսի ռազմաբազայում լրագրողներին ասել է Թրամփը։
ԱՄՆ-ի և Իրանի միջև անցյալ շաբաթվա վերջին բանակցությունները չհանգեցրին Իրանի դեմ պատերազմը դադարեցնելու համաձայնության, ինչը վտանգի տակ է դրել երկշաբաթյա փխրուն հրադադարը։ Իսլամաբադում շաբաթ օրվանից մինչև կիրակի վաղ առավոտյան տեղի ունեցած բանակցությունները վերջին տասնամյակում ԱՄՆ-Իրան առաջին անմիջական հանդիպումն էին և ամենաբարձր մակարդակի քննարկումները 1979 թվականի Իրանի իսլամական հեղափոխությունից ի վեր։
ԱՄՆ զինվորականները հայտարարել են, որ բանակցությունների ձախողումից հետո երկուշաբթի կսկսեն Իրանի բոլոր նավահանգիստների շրջափակումը։
Իրանի արտաքին գործերի նախարար Աբբաս Արաղչին, որը բանակցող իրանական պատվիրակության կազմում էր, X-ում գրառման մեջ նշել է, որ Իսլամաբադում տեղի ունեցած բանակցությունների ժամանակ Թեհրանը շատ քիչ էր հեռու Վաշինգտոնի հետ համաձայնության գալուց։
Թարգմանությունը՝ Էմմա Չոբանյանի
