13.04.2026 | 18:01
Կրեմլը չի շնորհավորի Հունգարիայի ընդդիմության առաջնորդին ընտրություններում հաղթանակի կապակցությամբ
Թուրքիան հերքել է Էրդողանի կողմից ռազմական պատասխանի սպառնալիքը, եթե Իրանը կամ Լիբանանը հարձակման ենթարկվեն
Քաղաքականություն
13.04.2026 | 16:36
Թուրքիայի Ապատեղեկատվության դեմ պայքարի կենտրոնը պաշտոնապես հերքել է սոցիալական ցանցերում շրջանառվող մեջբերումը, որը ռազմական նախազգուշացում է վերագրում երկրի նախագահ Ռեջեփ Թայիփ Էրդողանին՝ այն անվանելով «ամբողջովին կեղծված», գրում է Turkiye today-ը։
Վիճարկվող մեջբերման մեջ, որը տարածվել է բազմաթիվ սոցիալական ցանցերում, պնդում կա, թե Էրդողանն ասել է, որ Իրանի կամ Լիբանանի վրա ցանկացած հարձակում կհամարվի Թուրքիայի վրա հարձակում։ Թուրքական կառավարական մարմինը հերքել է, որ Էրդողանը նման հայտարարություն է արել։
Թուրքիայի հաղորդակցության վարչության ենթակայության տակ գործող ապատեղեկատվության կենտրոնը հայտարարել է, որ կեղծ վերագրումը պատահական չէ, այլ կազմակերպված ջանքերի մաս։
Նշվում է, թե նման «հորինված մեջբերումը» տարածելը նպատակ ունի խաթարել Թուրքիայի դերը որպես տարածաշրջանային խաղաղության ջանքերում կառուցողական դերակատար, երկիրը ներքաշել ակտիվ հակամարտության և ճգնաժամային միջավայրերի մեջ և քաղաքական մանիպուլյացիաներ իրականացնել միջազգային ասպարեզում ապատեղեկատվության միջոցով։
Թարգմանությունը՝ Էմմա Չոբանյանի
