03.11.2026 | 11:55
«Վարչաբենդ»-ի թմբկահարը որքա՞ն հոնորար է ստացել․ Էդգար Ղազարյանը՝ Լիլիթ Մակունցին․ ՏԵՍԱՆՅՈՒԹ
Խոսել ենք գերիների և պահվող անձանց մասին և ոչ մեկ անգամ. Սուլթանյան․ ՏԵՍԱՆՅՈՒԹ
Քաղաքականություն
13.04.2026 | 11:26
Գաբալայում Ադրբեջանի և Հայաստանի քաղաքացիական հասարակության ներկայացուցիչների մասնակցությամբ տեղի ունեցած հանդիպմանը քննարկվել է նաև Բաքվում գտնվող գերիների և պահվող անձանց հարցը, և ոչ մեկ անգամ։ Այս մասին մամուլի ասուլիսի ժամանակ հայտնեց Ժողովրդավարության զարգացման հիմնադրամի տնօրեն, Ադրբեջան մեկնած հայ փորձագետների պատվիրակության անդամ Նաիրա Սուլթանյանը։
«Մեր օրակարգը որոշում ենք մենք, առանց երկու կողմերի կառավարությունների միջամտության, և ադրբեջանական մեր գործընկերների հետ համատեղ ենք ձևավորում մեր օրակարգը։ Եվ շատ կարճ ասեմ, որ քննարկում ենք հիմնականում երեք բան․ մեզ մտահոգող հարցերը, խոչընդոտները խաղաղության գործընթացի ճանապարհին, ինչպես նաև հնարավորությունները, որ չենք ուզում բաց թողնել»,- ասաց Սուլթանյանը։
Նրա խոսքով՝ հումանիտար գործընթացների շուրջ անկաշկանդ զրույց են ունեցել։
«Մենք մեր խնդիրներն ենք բարձրացրել, իրենք՝ իրենցը։ Մենք խոսել ենք գերիների և պահվող անձանց մասին, ոչ մեկ անգամ, պատվիրակության անդամներից շատերն իրենց ելույթներում ներառել են այս խնդիրը։ Եվ հերթական անգամ կարող եմ ասել՝ շեշտել ենք, որ չի տեղավորվում այս հարցը խաղաղության այս գործընթացի տրամաբանության մեջ, որ խաղաղության գործընթացը շատ ավելի առաջ է անցել, և պիտի այս հարցերը լուծվեն, որպեսզի ավելի երաշխավորված լինի առաջընթացը պրոցեսի։ Բարձրացրել ենք նաև անհայտ կորածների խնդիրը, հայտնել ենք մտահոգություն, որ հանձնաժողովի աշխատանքները ցանկալի արագությամբ չեն գնում»,- նշեց նա։
Հիշեցնենք, որ 2026 թվականի ապրիլի 10-12-ը, «Խաղաղության կամուրջ» նախաձեռնության շրջանակներում, Ադրբեջանի և Հայաստանի քաղաքացիական հասարակության ներկայացուցիչների մասնակցությամբ Ադրբեջանում տեղի է ունեցել հերթական երկկողմ կլոր սեղանը։
Մանրամասները՝ տեսանյութում։
