28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Հայաստանի անվտանգությունն ուժեղանալու է, հաստատվելու է ուժեղ խաղաղություն․ Արթուր Ավանեսյան․ ՏԵՍԱՆՅՈւԹ
Քաղաքականություն
11.04.2026 | 18:39
Ազատության հրապարակում «Ուժեղ Հայաստան» կուսակցության հրավիրած հանրահավաքում ելույթով է հանդես եկել Արթուր Ավանեսյանը։ Նա ընդգծել է, որ զինվորական է, հայտարարել է՝ իր համար կա մեկ հստակ բան՝ հայրենիքը պետք է պաշտպանել։
«Եթե այսօրվա իշխանությունները չեն պաշտպանում մեր հայրենիքը, մենք փոխելու ենք այդ իշխանություններին»,- ասել է Ավանեսյանը՝ իրեն անվանելով «փոփոխության պայքարի զինվոր»։
Ըստ նրա՝ այս փոփոխությունը փրկելու է մարդկանց կյանքը և կանխելու է պատերազմները։
«Որպես զինվորական՝ ես լավագույնս գիտեմ խաղաղության արժեքը, քանի որ պատերազմի գինը ես գիտեմ շատերից լավ»,- հավելել է նա։ Ավանեսյանը նշել է, որ մահն այնքան սարսափելի չէ, որքան «մեռնելու պես ապրելը»։
Ելույթում նա հայտարարել է, որ կա միայն մեկ առաջնորդ, ով կարող է ապահովել մնայուն և ուժեղ խաղաղություն՝ հաջորդ վարչապետ Սամվել Կարապետյանը։
«Մեր ընտրությունը միակն է ու հստակ․ մենք ընտրում ենք արժանապատվությունը, ընտրում ենք եկեղեցին, ընտրում ենք մեր հայրենիքը»,- եզրափակել է Արթուր Ավանեսյանը։
Մանրամասները՝ տեսանյութում։
