02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Այստեղ հավաքվել են մարդիկ, ովքեր պահանջում են փոփոխություն․ պետք է կանգնեցնել Փաշինյանին․ Ալեքսան Ալեքսանյան. ՏԵՍԱՆՅՈւԹ
Քաղաքականություն
11.04.2026 | 18:06
Ազատության հրապարակում «Ուժեղ Հայաստան» կուսակցության հրավիրած հանրահավաքի ժամանակ ելույթով հանդես եկավ կուսակցության խորհրդի անդամ Ալեքսան Ալեքսանյանը։ Ողջունելով հավաքվածներին՝ նա հայտարարեց, որ ժողովուրդը փոփոխություն է պահանջում։
«Այստեղ հավաքվել են մարդիկ, ովքեր դեմ են եկեղեցու ապականմանը, դեմ են ատելությանը, դեմ են պառակտմանը», – ասաց նա։
Ալեքսանյանի խոսքով՝ մարդիկ ցանկանում են ոչ թե գոյատևել, այլ ապրել, ոչ թե դիմանալ, այլ ծաղկել ու զարգանալ։
Նա կոչ արեց կանգնեցնել Նիկոլ Փաշինյանին՝ հիշեցնելով եկեղեցում տեղի ունեցած միջադեպից հետո երիտասարդի կալանավորումը և քաղաքական հետապնդումների այլ դեպքեր։
«Լռելու ժամանակը ավարտվել է, մենք այսօր այստեղ ենք, որպեսզի բարձրացնենք մեր ձայնը հանուն փոփոխության», – հայտարարեց բանախոսը։ Ալեքսանյանը նշեց, որ կա միայն մեկ առաջնորդ, որը կարող է կանգնեցնել Փաշինյանին և փոփոխություններ բերել․ «Եվ նրա անունն է Սամվել Կարապետյան»։
Ելույթի վերջում նա հավելեց․ «Փոփոխություն՝ միայն Սամվել Կարապետյանի հետ»։
Մանրամասները՝ տեսանյութում։
