27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
Աշխարհի գավաթ․ Արթուր Դավթյանի տպավորիչ ցատկը․ ՏԵՍԱՆՅՈՒԹ
11.04.2026 | 10:48
Օլիմպիական խաղերի արծաթե ու բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը դուրս է եկել Խորվաթիայի Օսիեկ քաղաքում ընթացող սպորտային մարմնամարզության աշխարհի գավաթի խաղարկության վերջին փուլի եզրափակիչ։
Հենացատկի վարժության որակավորման փուլում 33-ամյա մարմնամարզիկը վաստակել է 14.583 միավոր ու եզրափակիչ անցել լավագույն արդյունքով։
Ավելի վաղ Հայաստանի ներկայացուցիչներից Համլետ Մանուկյանը և Մամիկոն Խաչատրյանը հաղթահարել էին նժույգ թափեր վարժության որակավորման փուլի արգելքը, իսկ Արթուր Ավետիսյանն օղակների վարժությունում էր դուրս եկել եզրափակիչ։
Հիշեցնենք, որ օրեր առաջ հայ մարմնամարզիկները մասնակցել էին նաև Եգիպտոսի մայրաքաղաք Կահիրեում անցկացված աշխարհի գավաթի չորրորդ փուլին և նվաճել 2 ոսկե ու 1 արծաթե մեդալ։ Արթուր Դավթյանը հաղթել էր հենացատկի վարժությունում, Համլետ Մանուկյանը՝ նժույգ թափերում, իսկ Արթուր Ավետիսյանն արծաթե մեդալի էր արժանացել օղակների վարժությունում։
