30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Դմիտրի Մեդվեդևը ՌԴ հասարակագիտության դպրոցական դասագրքերի գլխավոր խմբագիրն է դարձել
Քաղաքականություն
10.04.2026 | 23:49
ՌԴ Անվտանգության խորհրդի փոխնախագահ Դմիտրի Մեդվեդևը դարձել է 9-11-րդ դասարանների համար նախատեսված նոր հասարակագիտության դասագրքերի գլխավոր խմբագիրը։ Այս մասին հայտնել է երկրի կրթության փոխնախարար Օլգա Կոլուդարովան, գրում է Meduza-ն։
«Էջ առ էջ մեկնաբանություններ, առաջարկություններ, խմբագրումներ և շատ ավելին՝ այս ամենը արտացոլվել է ոչ միայն դասագրքի վերջնական տարբերակում, այլև նոր դաշնային չափորոշիչներում և հասարակագիտության ուսումնական ծրագրերում»,- դասագրքի շնորհանդեսի ժամանակ ասել է փոխնախարարը։
Նոր դասագրքի հեղինակների թվում են իրավաբաններ, տնտեսագետներ, սոցիոլոգներ և պատմաբաններ։
Ռուսաստանի կրթության նախարար Սերգեյ Կրավցովը հայտարարել էր, որ հասարակագիտությունը կհանվի 8-րդ դասարանի ուսումնական ծրագրից սեպտեմբերի 1-ից, առարկան կշարունակվի դասավանդվել 9-11-րդ դասարաններում։
2023 թվականին Ռուսաստանի իշխանությունները թարմացրել են ընդհանուր պատմության և Ռուսաստանի պատմության դասագրքերը 10-րդ և 11-րդ դասարանների համար։ Դասագրքերը կազմելուն մասնակցել է Ռուսաստանի նախագահի օգնական Վլադիմիր Մեդինսկին։
Թարգմանությունը՝ Էմմա Չոբանյանի
