26.10.2026 | 11:04
Զբաղվածության ապահովման ծրագիր. նոր հնարավորություններն ու փոփոխությունները. ՈՒՂԻՂ
Պատրիարք Կիրիլը Ավագ հինգշաբթին շփոթել է այլ տոների հետ․ քարոզի սկիզբը հեռացվել է պաշտոնական կայքից
Քաղաքականություն
10.04.2026 | 22:57
Մոսկվայի և համայն Ռուսիո պատրիարք Կիրիլը ապրիլի 9-ին՝ Զատկին նախորդող Ավագ հինգշաբթի օրը, պատարագ է մատուցել Մոսկվայի Քրիստոս Փրկչի տաճարում և հանդես եկել քարոզով։
The Insider Russia-ի տարածած տեսագրություններից պարզ է դառնում, որ քարոզի սկզբում նա շփոթել է եկեղեցական տոները՝ խոսելով ոչ թե Ավագ հինգշաբթիի, այլ Սուրբ Ծննդի և Տիրոջ Մկրտության մասին։ Նա նշել է, որ «անցել է 2000 տարի, և մարդիկ շարունակում են տոնել Քրիստոսի ծնունդն ու նրա մկրտությունը Հորդանան գետում»։
Մոտ վեց րոպե անց պատրիարքին փոխանցվել է բացված թղթապանակ, որից հետո նա ուղղել է խոսքը և շարունակել արդեն Ավագ հինգշաբթիի թեմայով։
Ռուս ուղղափառ եկեղեցու պաշտոնական կայքում քարոզի տեքստը հրապարակվել է կրճատ տարբերակով․ սկզբնական հատվածը, որտեղ հիշատակվում էին Սուրբ Ծնունդն ու Մկրտությունը, բաց է թողնված։
Դեպքի վրա ուշադրություն է հրավիրել լրագրող Քսենիա Լուչենկոն, որը նշել է, որ պատրիարքի շրջապատում խոսվում է նրա մոտ տարիքի հետ կապված կոգնիտիվ խնդիրների, նույնիսկ հնարավոր դեմենցիայի մասին։
