17.08.2026 | 17:58
Ռոնալդու. «Հնարավոր է՝ սա իմ վերջին տարին է ֆուտբոլում»
Շահավետ առաջարկներ՝ գործարարներին, աննախադեպ նորարարություններ․ LEASING EXPO-ն 4-րդ անգամ բացեց իր դռները․ ՏԵՍԱՆՅՈՒԹ
Տեսանյութեր
10.04.2026 | 20:10
Վճարովի բովանդակություն
Առաջարկներ գործարարներին՝ բիզնեսի արտադրական ծավալների մեծացման և բարելավման համար, մեծ թվով նորարարություններ և շահավետ համագործակցություններ․ այսօր՝ ապրիլի 10-ին, տեղի ունեցավ LEASING EXPO 2026 ցուցահանդեսի բացումը։
Արդեն 4-րդ տարին անընդմեջ կազմակերպվող ցուցահանդեսը, որի կազմակերպիչը Big Projects ընկերությունն է, այս տարի հանդես է գալիս է՛լ ավելի հագեցած լուծումներով։ Երեք օր՝ ապրիլի 10-ից 12-ը, ցուցահանդեսը կվերածվի բիզնեսի հիմնական միջոցների թարմացման կամ ձեռքբերման համար լավագույն հարթակի։
«Ուզում եմ նախ և առաջ շնորհավորել բոլորիս այս կարևոր միջոցառման փաստացի կայացման համար, շատ ուրախ եմ, որ 4-րդ էքսպոն է, իսկ ես արդեն 3-րդ անգամ եմ մասնակցում, և ամեն անգամ, երբ մենք ամփոփում ենք արդյունքները, արձանագրում ենք էական աճ՝ ողջ տարվա նկատմամբ»,- նշեց ՀՀ էկոնոմիկայի նախարար Գևորգ Պապոյանը։
Նախարարը շեշտեց՝ լիզինգը գործիք է, առանց որի հնարավոր չէ պատկերացնել տնտեսությունը։ Ի դեպ, Կենտրոնական բանկի ներկայացրած վերջին տվյալներով՝ Հայաստանում այս պահին գործող լիզինգային պորտֆելի 89 տոկոսը սուբսիդավորվում է Հայաստանի Հանրապետության կառավարության կողմից։
Big Projects ընկերության համահիմնադիր, Մարքեթինգի և հաղորդակցության բաժնի ղեկավար (կազմակերպիչ) Դիանա Հարոյանի խոսքով՝ ցուցահանդեսն ունի յուրատեսակ նշանակություն։
«Հիշում եմ՝ դեռ 2023-ին, երբ խոսում էինք լիզինգի մասին՝ այդ ֆինանսական տերմինի, մարդիկ շատ երկյուղած, մի քիչ վախեցած էին նայում մեզ, որովհետև չէին պատկերացնում՝ ինչի մասին է խոսքը, իսկ այսօր՝ արդեն 4 տարի անց, ունենք հասարակության շրջանում ավելի լավ պատկերացում լիզինգի մասին, ու ուրախ ենք, որ գործարարները և մեզ միացող մատակարարները ևս շատ լավ հասկանում են այս միջոցառման կարևորությունը։ Ուրախ ենք նաև արձանագրել, որ տարածաշրջանում մեր երկիրը միակն է, որն ունի լիզինգ ֆինանսական գործիքին նվիրված առանձին մեծ ցուցահանդես՝ իր ենթակառուցվածքներով»,- ասաց նա։
LEASING EXPO 2026-ին ներկայացված են ավելի քան 60 տաղավարներ, 75 տեղական ու միջազգային բրենդներ։ Այս տարի ակտիվ ներգրավված են հատկապես հայրենական արտադրողները։ Այցելուներն ու մասնակիցներն ունեն հնարավորություն տետ-ա-տետ ծանոթանալու ընկերությունների՝ շինարարական տեխնիկայի, գյուղատնտեսական սարքավորումների, տրանսպորտային միջոցների ոլորտներից մինչև էլեկտրոմոբիլների և արտադրական սարքավորումների ոլորտներ։
Մանրամասները՝ տեսանյութում։
Աննա Բաբաջանյան
