26.10.2026 | 11:04
Զբաղվածության ապահովման ծրագիր. նոր հնարավորություններն ու փոփոխությունները. ՈՒՂԻՂ
Փոխըմբռնման հուշագրով նոր մակարդակի ենք հացնում Էստոնիայի հետ հարաբերությունները․ Միրզոյան․ ՏԵՍԱՆՅՈՒԹ
Քաղաքականություն
10.04.2026 | 13:49
ՀՀ արտաքին գործերի նախարար Արարատ Միրզոյանը Երևանում հյուրընկալել է Էստոնիայի իր գործընկեր Մարգուս Ցահքնային։ Այսօր հրավիրված ասուլիսի ժամանակ Միրզոյանը բարձր է գնահատել երկու երկրների միջև ձևավորված ամուր կապերը:
«Սա խորհրդանշական իրադարձություն էր, որն արտացոլում է հարաբերություններն է՛լ ավելի խորացնելու երկու երկրների պատրաստակամությունը։ Եվ ես կրկին շնորհակալ եմ այս որոշման համար»,- ասաց արտաքին գերատեսչության ղեկավարը։
Ըստ Միրզոյանի՝ հայ-էստոնական հարաբերությունները հիմնված են ընդհանուր արժեքների՝ ազատության, ժողովրդավարության և մարդու իրավունքների վրա։ Իր խոսքում նախարարն անդրադարձել է նաև ստորագրված նոր փաստաթղթին՝ փոխըմբռնման հուշագրին, նշելով, որ այն համագործակցությունը նոր մակարդակի կբարձրացնի։
«Մեր շփումների ընթացքում այսօր և երեկ անդրադարձ ենք կատարել նաև մեր հարաբերությունների տնտեսական բաղադրիչին։ Գոհունակությամբ նկատել ենք, որ այդ տնտեսական հարաբերությունները արտացոլող թվային ցուցանիշներn աճում են, բայց նաև վստահաբար կարող ենք ասել, որ սա ամբողջ ներուժը չէ, և մենք ջանքեր կգործադրենք այս ներուժը էլ ավելի մեծ ծավալով իրացնելու ուղղությամբ»,- նշեց Միրզոյանը։
Հանդիպման առանցքային իրադարձությունը Երևանում Էստոնիայի ռեզիդենտ դեսպանության պաշտոնական բացումն էր, որը նախարարը որակել է որպես պատմական քայլ։
Մանրամասները՝ տեսանյութում։
