02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Ռուսաստանում Telegram-ի արգելափակումը հասել է գրեթե 100%-ի
Քաղաքականություն
10.04.2026 | 12:45
ՌԴ-ում Telegram մեսենջերի արգելափակման նշաններ ցույց տվող խնդիրների մակարդակն ապրիլի 10-ի առավոտյան հասել է 95%-ի՝ ըստ OONI միջազգային հետազոտական նախագծի, գրում է Meduza-ն։
Նշվում է, որ սա անոմալիաների ամենաբարձր ցուցանիշն է Ռուսաստանում մեսենջերի գործունեության վրա նոր սահմանափակումների կիրառումից ի վեր, և այն այժմ ավելի խիստ է արգելափակվում, քան WhatsApp-ը և Signal-ը։
Downdetector-ը և Sboy.rf-ը հայտնել են Telegram-ի վերաբերյալ բողոքների կտրուկ աճի մասին ապրիլի 10-ին՝ առավոտյան ժամը 8-ից 9-ի սահմաններում։ Օգտատերերը հայտնել են, որ հաղորդագրությունները չեն ուղարկվում, ֆայլերը չեն ներբեռնվում։
Մարտի սկզբից ի վեր Ռուսաստանի օգտատերերը նկատել են, որ Telegram-ի աշխատանքը վատանում է և գործնականում անհասանելի է դառնում առանց VPN-ի, իսկ տեսազանգերը, ինչպես WhatsApp-ում, սահմանափակվել են 2025 թվականի ամռանից։
Մի քանի լրատվամիջոցների աղբյուրների համաձայն՝ իշխանությունները ծրագրում էին Telegram-ն ամբողջությամբ արգելափակել մինչև ապրիլի 1-ը։ Թեստերը անոմալիաներ են ցույց տվել դեպքերի 72%-ում, ինչը նշանակում է, որ մեսենջերը հասանելի է եղել միայն ամեն երրորդ դեպքում։
Թարգմանությունը՝ Էմմա Չոբանյանի
