30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՈՒԵՖԱ-ն որոշել է որակազրկել «Բարսելոնա»-«Աթլետիկո» հանդիպման մրցավարին
10.04.2026 | 11:11
ՈՒԵՖԱ-ն որոշում է կայացրել մինչև ընթացիկ մրցաշրջանի ավարտը որակազրկել կատալոնական «Բարսելոնայի» ու Մադրիդի «Աթլետիկոյի» միջև Չեմպիոնների լիգայի քառորդ եզրափակիչի առաջին հանդիպման գլխավոր մրցավար Իշտվան Կովաչին, հաղորդում է Sport.es-ը։
Ըստ ՈՒԵՖԱ-ի՝ ռումինացի մրցավարը մի քանի սխալ է թույլ տվել այդ խաղում։ Այնուամենայնիվ, Իշտվան Կովաչը կսպասարկի ամռանը ԱՄՆ-ում, Կանադայում ու Մեքսիկայում կայանալիք աշխարհի առաջնության խաղերը։
Հիշեցնենք, որ առաջին խաղակեսի վերջնամասում Իշտվան Կովաչը վերջին հույսի խախտման համար խաղադաշտից հեռացրել էր «Բարսելոնայի» պաշտպան Պաու Կուբարսիին, ինչից հետո մադրիդյան ակումբը խփել էր երկու գոլ ու տարել արտագնա հաղթանակ (2:0)։
Հանդիպումից հետո «Բարսելոնան» պաշտոնապես հայտարարել էր, որ բողոք է ներկայացրել մրցավարության և VAR համակարգի որոշումների վերաբերյալ։
«Բարսելոնայի» ու «Աթլետիկոյի» պատասխան հանդիպումը կկայանա ապրիլի 14-ին Մադրիդում։
