02.07.2026 | 16:56
Ինչ-որ մի տեղում բեռնատարները կանգնել են նաև լեզվական խնդիրների պատճառով. Փաշինյան․ ՏԵՍԱՆՅՈՒԹ
Աշխարհի գավաթ․ Երեք հայ մարմնամարզիկ եզրափակիչում է
10.04.2026 | 10:22
Խորվաթիայի Օսիեկ քաղաքում մեկնարկել է սպորտային մարմնամարզության աշխարհի գավաթի խաղարկության վերջին փուլը, որին մասնակցող երեք հայ մարմնամարզիկներ դուրս են եկել եզրափակիչ։
Նժույգ թափեր վարժության որակավորման փուլում Համլետ Մանուկյանը 14.666 միավորով գրավել է երրորդ տեղը, իսկ Մամիկոն Խաչատրյանը հավաքել է 14.533 միավոր ու եզրափակիչ անցել չորրորդ տեղով:
Արթուր Ավետիսյանն օղակների վարժության որակավորման փուլում 14.133 միավորով գրանցել է երրորդ արդյունքը։
Ապրիլի 10-ին հենացատկի վարժության որակավորման փուլում հանդես կգա Օլիմպիական խաղերի արծաթե ու բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը։
Հիշեցնենք, որ օրեր առաջ հայ մարմնամարզիկները մասնակցել էին նաև Եգիպտոսի մայրաքաղաք Կահիրեում անցկացված աշխարհի գավաթի չորրորդ փուլին և նվաճել 2 ոսկե ու 1 արծաթե մեդալ։ Արթուր Դավթյանը հաղթել էր հենացատկի վարժությունում, Համլետ Մանուկյանը՝ նժույգ թափերում, իսկ Արթուր Ավետիսյանն արծաթե մեդալի էր արժանացել օղակների վարժությունում։
