29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Վաշինգտոնը հաջորդ շաբաթ կհյուրընկալի Իսրայելի և Լիբանանի միջև բանակցությունները
Քաղաքականություն
10.04.2026 | 11:00
Իսրայելը և Լիբանանը հաջորդ շաբաթ բանակցություններ կանցկացնեն Վաշինգտոնում։ Այս մասին հաղորդում է AFP գործակալությունը՝ հղում անելով ԱՄՆ Պետքարտուղարության անանուն պաշտոնյայի, գրում է DW-ն։
Հինգշաբթի Իսրայելի վարչապետ Բենիամին Նեթանյահուն հայտարարել էր, որ հանձնարարել է իր կաբինետին ուղիղ բանակցություններ սկսել Լիբանանի հետ՝ առաջ մղելով Իրանի կողմից աջակցվող «Հըզբոլլահ» խմբավորման զինաթափումը։
Նեթանյահուի պնդմամբ՝ Լիբանանի իշխանությունները «բազմիցս» խնդրել են բանակցություններ սկսել։ Նա նշել է, որ ապրիլի 8-ին կառավարության նիստում հրահանգել է երկխոսությունը սկսել «հնարավորինս շուտ»։
«Իսրայելը բարձր է գնահատում Լիբանանի վարչապետի այսօրվա կոչը Բեյրութի ապառազմականացման վերաբերյալ»,- հավելել է Նեթանյահուն։
AFP-ն, հղում անելով Լիբանանի կառավարության անանուն պաշտոնյայի, ասել է, որ Բեյրութը պետք է զինադադար կնքի Իսրայելի հետ որևէ բանակցություններից առաջ։
Ավելի վաղ հաղորդվել էր, որ Նեթանյահուի հետ հեռախոսազրույցի ժամանակ ԱՄՆ նախագահ Դոնալդ Թրամփը խնդրել է նրան կրճատել Լիբանանին հասցված հարվածների քանակը, որպեսզի չխաթարի Իրանի հետ բանակցությունները, որի հետ երկու երկրներն էլ պատերազմի մեջ են փետրվարի վերջից։ Ի պատասխան՝ Իսրայելը համաձայնել է «լինել աջակից գործընկեր», հաղորդում է NBC-ն՝ հղում անելով Սպիտակ տան բարձրաստիճան պաշտոնյայի։
Թարգմանությունը՝ Էմմա Չոբանյանի
