17.08.2026 | 17:00
Երևանում երեկոյան ժամերին սպասվում է քամու ուժգնացում
Պուտինը դեռևս որոշում չի կայացրել Ուկրաինայի հետ Զատկի հրադադարի վերաբերյալ
Քաղաքականություն
09.04.2026 | 16:34
Ռուսաստանի նախագահ Վլադիմիր Պուտինը դեռևս որևէ որոշում չի կայացրել Ուկրաինայի հետ Զատկի հրադադարի վերաբերյալ։ Այս մասին հայտարարել է նրա մամուլի քարտուղար Դմիտրի Պեսկովը, գրում է Ինտերֆաքսը։
«Այսօրվա դրությամբ Գերագույն գլխավոր հրամանատարը որևէ որոշում չի կայացրել», – լրագրողներին ասել է Պեսկովը՝ պատասխանելով այդ մասին հարցին։
Ուկրաինայի նախագահ Վլադիմիր Զելենսկին հայտարարել էր, որ Կիևը պատրաստ է հրադադարի Զատկի տոների ընթացքում։ Նա հավելել էր, որ հրադադարի երկու-երեք օրերի ընթացքում ռուսական զորքերը չեն կարողանա ամրապնդել իրենց դիրքերը ռազմաճակատում։
Անցյալ տարի հայտարարվել էր Զատկի զինադադար, սակայն երկու կողմերն էլ միմյանց մեղադրում էին այն խախտելու մեջ։ Ուղղափառ Զատիկը կնշվի այս կիրակի՝ ապրիլի 12-ին։
Թարգմանությունը` Էմմա Չոբանյանի
