27.07.2026 | 17:49
Թուրքիայի F-16-ները պարեկություն կիրականացնեն Բալթիկ ծովի օդային տարածքում
Վալերի Կարպին․ «Ցավալի է, որ Արսեն Զախարյանը խաղաժամանակ չի ստանում»
09.04.2026 | 13:14
Ֆուտբոլի Ռուսաստանի հավաքականի գլխավոր մարզիչ Վալերի Կարպինն անդրադարձել է «Ռեալ Սոսյեդադի» կիսապաշտպան Արսեն Զախարյանին, որը քիչ խաղաժամանակ է ստանում իսպանական ակումբում։ Վերջին խաղերում Ռուսաստանի հավաքականի 22-ամյա ֆուտբոլիստը հազվադեպ է դաշտ դուրս գալիս «Ռեալ Սոսյեդադի» կազմում։
«Հունվարին զրուցել ենք Զախարյանի հետ, երբ նա եկել էր։ Սա պրոֆեսիոնալ ֆուտբոլ է, այստեղ պետք է ըմբռնումով մոտենալ հանգամանքներին։ Ունենք այն, ինչ ունենք։ Թե մեզ, թե իր համար ցավալի է, որ նա չի ստանում խաղաժամանակ»,- մարզիչի խոսքը մեջբերում է «РИА Новости»-ն։
Արսեն Զախարյանը 2023 թվականից է հանդես գալիս «Ռեալ Սոսյեդադում», որի կազմում այս մրցաշրջանում անցկացրել է 20 հանդիպում ու դարձել 1 գոլի հեղինակ։ Մարտին նա Ռուսաստանի հավաքականից հրավեր չէր ստացել ընկերական խաղերի համար։
