06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Արման Ծառուկյանը UFC-ի հետ կնքել է նոր պայմանագիր՝ ավելի բարձր հոնորարով
09.04.2026 | 12:45
UFC-ի թեթև քաշային կարգի դասակարգման երկրորդ համար Արման Ծառուկյանը հայտարարել է, որ նոր պայմանագիր է կնքել հեղինակավոր փրոմուշենի հետ։ Հայ մարտիկը 2019 թվականից է հանդես գալիս UFC-ում, որի հովանու ներքո անցկացրել է 12 մենամարտ, տարել 10 հաղթանակ ու կրել 2 պարտություն։
«UFC-ն սկսել է ավելի շատ վճարել Paramount-ի հետ գործարքի շնորհիվ։ Նրանք վերանայել են բոլոր մարտիկների պայմանագները, տղաները սկսել են ավելի շատ վաստակել։ Նույնիսկ ես եմ ինձ հետ նոր պայմանագիր կնքել։ Օրինակ՝ եթե նախկինում վճարում էին երկու միլիոն, այժմ վճարում են չորս միլիոն։ Ամեն դեպքում, դրանք այն հոնորարները չեն, որոնք կան բռնցքամարտում, սակայն 3-4 տարուց իրավիճակը կփոխվի»,- Ռայան Գարսիայի հետ հարցազրույցում ասել է Արման Ծառուկյանը։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
