ՌԴ-ն հարվածել է Զապորոժիեի և Դնեպրոպետրովսկի մարզերին. մեկ զոհ և վիրավորներ կան

Ռուսական զորքերը լույս ապրիլի 9-ի առավոտյան  հարվածներ են հասցրել Զապորոժիեի շրջանին, զոհվել է  մեկ և վիրավորել  չորս մարդ։ Այս մասին հայտնել է Զապորոժիեի շրջանային ռազմական վարչակազմի ղեկավար Իվան Ֆեդորովը, գրում է Current time-ը։

Նրա խոսքով՝ հասցվել է առնվազն ութ հարված։ Բալաբինո գյուղում վնասվել են մասնավոր տներ։

Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան հայտնել է երեք շրջաններում ռուսական հարձակումների հետևանքով երկու վիրավորի մասին։ Նրա խոսքով՝ Նիկոպոլի շրջանում վնասվել են բազմահարկ և մասնավոր տներ, ավտոտնակ և մեքենաներ, Պավլոգրադում՝ խանութներ և բնակելի շենքեր, իսկ Սինելնիկովսկի շրջանում՝ մեքենաներ և մասնավոր տներ։

Ապրիլի 8-ի երեկոյան հաղորդվել է, որ Ռուսաստանի   ուժերը հարվածել են Օդեսայի մարզի ենթակայանին։ Ընկերությունը հայտարարել է, որ իր մասնագետները ստուգում են վնասված սարքավորումները։ «Հենց որ անվտանգության իրավիճակը թույլ տա, մենք կսկսենք վերանորոգումները։ Մենք կանենք ամեն ինչ՝ տներում էլեկտրաէներգիան հնարավորինս արագ վերականգնելու համար», – ասվում է հայտարարության մեջ։ Օդեսայի մարզային վարչակազմի ղեկավար Օլեգ Կիպերը նույնպես հաղորդել է կարևոր ենթակառուցվածքային օբյեկտի վնասի մասին՝ առանց լրացուցիչ մանրամասներ տրամադրելու։

Ուկրաինայի ռազմաօդային ուժերի տվյալներով՝ Ռուսաստանը հարձակվել է Ուկրաինայի վրա 119 ԱԹՍ-ով, որոնցից ՀՕՊ ուժերը խոցել են 99-ը։ Եվս 16 անօդաչու թռչող սարք է ընկեել 11 վայրերում, նշվում է հաղորդագրությունում։

Թարգմանությունը`Էմմա Չոբանյանի