Իրանը առաջարկում է այլընտրանքային երթուղիներ՝ նշելով Հորմուզի նեղուցում ականների վտանգը

Իրանական լրատվական գործակալությունները հինգշաբթի հրապարակել են քարտեզ, որը ենթադրում է, որ երկրի  Հեղափոխության պահապանների կորպուսը պատերազմի ժամանակ ռազմածովային ականներ է տեղադրել Հորմուզի նեղուցում, գրում է DW-ն։

Հաղորդագրությունները ստացվել են ISNA լրատվական գործակալությունից և Tasnim-ից, որը, ենթադրաբար, մոտ է կորպուսին։

Քարտեզի վրա մեծ շրջանակ է ցույց տրված ու պարսկերենով նշված է «վտանգավոր գոտի»՝ երթևեկության բաժանման սխեմայի վրա, որը նեղուցում նավագնացության երթուղին է։ Ենթադրվում է, որ այստեղ են պահապանները ականներ տեղադրել։

Իրանը հայտարարել է նեղուցով անցնող նավերի այլընտրանքային երթուղիների մասին։

Քարտեզի վրա երևում է նավերի շարժը դեպի հյուսիս՝ Իրանի մայրցամաքին ավելի մոտ գտնվող ջրեր՝ Լարակ կղզու մոտ, որը ճշգրիտ երթուղին էր, որով որոշ նավեր դիտարկվել էին պատերազմի ժամանակ։

Քարտեզի վրա նշված ամսաթվերը փետրվարի 28-ից մինչև ապրիլի 9-ը են։ Հստակ չէ, թե արդյոք կորպուսը մաքրել է այդ երթուղում իր ենթադրյալ ականները։

Նաև պարզ չէ, թե արդյոք Թեհրանը թույլ տալի՞ս է նավերին անցնել նեղուցով, չորեքշաբթի օրը տարածված հաղորդագրությունից հետո, համաձայն որի՝ այն փակ է, ինչը Սպիտակ տունն անվանել է «լիովին անընդունելի»։

Նշենք, որ Իրանը համաձայնել էր վերաբացել Հորմուզի նեղուցը՝ որպես ԱՄՆ-ի հետ կնքված հրադադարի համաձայնագրի մաս, սակայն, ըստ որոշ տեղեկությունների, այն կրկին փակել է՝ հղում անելով ԱՄՆ-ի և Իսրայելի կողմից կատարված խախտումներին։

Ըստ տեղեկությունների՝ Թեհրանը համաձայնվել էր  վերաբացել Հորմուզի նեղուցը՝ պայմանով, որ նավերը անցագին վճարեն, ինչը Իրանին կապահովի եկամտի նոր աղբյուրով։

Թարգմանությունը՝ Էմմա Չոբանյանի