29.09.2026 | 13:09
«Օտարերկրյա դերակատարի ձեռքի գործ է»․ Ռուբիոն՝ Մեծ Բրիտանիայի ռազմաբազայում ռումբի հետ կապված միջադեպի մասին
Մադրիդ․ Էլինա Ավանեսյանը քառորդ եզրափակիչում է
08.04.2026 | 17:47
Հայաստանը ներկայացնող Էլինա Ավանեսյանը նվաճեց Մադրիդում ընթացող թենիսի WTA 125 շարքի մրցաշարի քառորդ եզրափակիչի ուղեգիր։
Երկրորդ շրջանում 23-ամյա թենիսիստը մրցեց աշխարհի 100-րդ ռակետ, բրիտանացի Ֆրանչեսկա Ջոնսի հետ ու վստահ հաղթանակի հասավ երկու սեթում՝ 6։2, 6։3։ Մրցախաղը տևեց 1 ժամ 25 րոպե։
25-ամյա Ջոնսը մարտի 19-ին Մայամիի մրցաշարում հաղթել էր ամերիկացի անվանի թենիսիստ Վինուս Ուիլյամսին։
Կիսաեզրափակիչի ուղեգիրն Էլինա Ավանեսյանը կվիճարկի 294-րդ ռակետ, իսպանացի Անե Մինտեգի Դել Օլմոյի հետ։
Հիշեցնենք, որ Հայաստանի ներկայացուցիչը պայքարը սկսել էր որակավորման փուլից, որտեղ տարել էր երկու հաղթանակ, իսկ առաջին շրջանում 6:4, 7:5 հաշվով առավելության էր հասել իսպանացի Անդրեա Լազարո Գարսիայի նկատմամբ։
