10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Մակրոնը հայտարարել է, որ ԱՄՆ-Իրան հրադադարը պետք է ներառի նաև Լիբանանը
Քաղաքականություն
08.04.2026 | 15:10
Ֆրանսիայի նախագահ Էմանուել Մակրոնը ողջունել է ԱՄՆ-Իրան հրադադարը՝ այն համարելով «շատ լավ լուր», սակայն կոչ է արել, որ Լիբանանը նույնպես ներառվի հրադադարի մեջ։
«Մեր ցանկությունն է ապահովել, որ հրադադարը լիովին ներառի Լիբանանը», – մամուլի ասուլիսի ժամանակ ասել է Մակրոնը։
Նա նշել է, որ Լիբանանում իրավիճակը մնում է «կրիտիկական»։
«Հըզբոլլահը ռազմավարական սխալ թույլ տվեց՝ հարձակվելով Իսրայելի վրա և ներքաշելով Լիբանանը տարածաշրջանային ճգնաժամի մեջ», – ասել է Մակրոնը՝ կոչ անելով լիբանանյան բանակին վերահսկողություն հաստատել երկրի հարավում։
Նա նաև հորդորել է, որ Իրաքում գտնվող իրանամետ զինյալ խմբավորումները ներառվեն հրադադարի համաձայնագրում։
Մինչ միջնորդ Պակիստանը հայտարարել էր, որ հրադադարի համաձայնագիրը ներառում է նաև Լիբանանը, Իսրայելը հակադարձել էր՝ նշելով, որ հրադադարը կպահպանի Իրանի հետ, բայց ոչ Լիբանանի։
Իսպանիայի արտաքին գործերի նախարար Խոսե Մանուել Ալբարեսը ևս «անընդունելի» է համարել, որ Իսրայելը շարունակում է Լիբանան ներխուժումը ԱՄՆ-ի և Իրանի միջև երկշաբաթյա հրադադարի մասին համաձայնությունից հետո։
«Բոլոր ճակատները պետք է դադարեցվեն, և դա նշանակում է նաև Լիբանանը։ Անընդունելի է, որ Իսրայելի պատերազմը, Իսրայելի կողմից Լիբանանի նման ինքնիշխան երկրի ներխուժումը… շարունակվում է», – ասել է Խոսե Մանուել Ալբարեսը։
Թարգմանությունը` Էմմա Չոբանյանի
