26.10.2026 | 10:50
Այո՛, փաթեթը մշակվել է Աննա Հակոբյանի արշավի շրջանակներում․ ՆԳ նախարարը ներկայացրեց նախագիծը․ ՏԵՍԱՆՅՈՒԹ
Արբելոա. «Սա այն Մբապեն էր, որին մենք ցանկանում ենք տեսնել»
08.04.2026 | 13:28
Մադրիդի «Ռեալի» գլխավոր մարզիչ Ալվարո Արբելոան գնահատել է ֆրանսիացի հարձակվող Կիլիան Մբապեի խաղը Մյունխենի «Բավարիայի» դեմ Չեմպիոնների լիգայի քառորդ եզրափակիչի առաջին մրցավեճում։
«Նա շատ կենտրոնացած էր խաղին, մշտապես սպառնում էր մրցակցի դարպասին։ Սա այն Մբապեն էր, որին մենք ցանկանում ենք տեսնել։ Այն Մբապեն, որն ինքն է ցանկանում լինել ամեր օր։
Մենք դեռ խաղի մեջ ենք, դա ակնհայտ է։ Մեզ մեկ գոլ է պակասում։ Մենք ի զորու ենք հաղթել ցանկացած խաղադաշտում»,- իսպանացի մարզիչի խոսքը մեջբերում է AS-ը։
Մադրիդում կայացած խաղում Մբապեն դարձել էր գոլի հեղինակ, սակայն «Ռեալը» պարտվել էր 1։2 հաշվով։ Պատասխան հանդիպումը կկայանա ապրիլի 15-ին Մյունխենում։
Չեմպիոնների լիգայի ընթացիկ մրցաշրջանում 27-ամյա Մբապեն դարձել է 14 գոլի հեղինակ (10 խաղում)։ Նախկինում նման ցուցանիշ գրանցել են միայն Ժոզե Ալտաֆինին, Ռուդ վան Նիստելրոյը, Լիոնել Մեսին, Կրիշտիանու Ռոնալդուն (3 անգամ), Ռոբերտ Լևանդովսկին և Քարիմ Բենզեման։
