26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Հենրիխ Մխիթարյան․ «Սիրտս լաց է լինում»
08.04.2026 | 11:29
Իտալական «Ինտերի» կիսապաշտպան, Հայաստանի ազգային հավաքականի նախկին ավագ Հենրիխ Մխիթարյանը ցավակցական խոսքեր է հղել իր նախկին մարզիչ, ռումինացի անվանի մասնագետ Միրչա Լուչեսկուի մահվան կապակցությամբ։
«Միստեր, Դուք իմ առաջին մարզիչներից էիք, որն ինձ հնարավորություն տվեց աճել և սկսել միջազգային կարիերան: Միշտ երախտապարտ կլինեմ Ձեզ, որ ինձ հնարավորություն տվեցիք իրականացնել այն, ինչի մասին երազել եմ մանկուց:
Շնորհակալ եմ Ձեր առաջնորդության, վստահության և ինձ օգնելու համար․ դա ինձ օգնեց դառնալ այն խաղացողն ու անձը, որը ես այսօր եմ: Ֆուտբոլը կորցրեց իսկական ջենթելմենի և խաղի իսկական տեսլական ունեցող մարդու:
Հանգչիր խաղաղությամբ, Միստեր: Դուք միշտ առանձնահատուկ տեղ կունենաք իմ սրտում։ Սիրտս լաց է լինում…»,- սոցիալան ցանցերում գրել է 37-ամյա ֆուտբոլիստը։
80-ամյա Միրչա Լուչեսկուն ապրիլի 7-ին կյանքից հեռացել է սրտի հետ կապված խնդիրների հետևանքով։ Հենրիխ Մխիթարյանը ռումինացի մարզիչի գլխավորությամբ 2010-2013 թթ․ խաղացել է Դոնեցկի «Շախտյորում»։
