Որևէ պետություն չպետք է կարողություն ունենա՝ հասցնելու աշխարհը տնտեսական ճգնաժամի եզրին. ԱՄԷ-ն՝ Հորմուզի նեղուցի վերաբերյալ ՄԱԿ-ի ԱԽ բանաձևի ձախողման մասին

Արաբական Միացյալ Էմիրությունները խորը ափսոսանք է հայտնում, որ ՄԱԿ-ի Անվտանգության խորհուրդն այսօր չկարողացավ ընդունել միջազգային համագործակցության հստակ շրջանակ, որը նպատակ ունի վերջ դնել Իրանի կողմից համաշխարհային տնտեսության դեմ իրականացվող անօրինական հարձակումներին և սպառնալիքներին՝ համապատասխան բանաձևի նախագծի ընդունման միջոցով, որը պահանջում է անհապաղ դադարեցնել Հորմուզի նեղուցում նավերի վրա բոլոր հարձակումները և նավարկության ազատությունը խոչընդոտելու փորձերը։

«Հորմուզի նեղուցը պետք է բաց մնա բոլորի համար, և այնտեղ նավարկության ազատությունը պետք է պահպանվի. որևէ պետություն չպետք է կարողություն ունենա խոչընդոտելու համաշխարհային առևտրի կենսական ուղիները կամ հասցնելու աշխարհը տնտեսական ճգնաժամի եզրին։

Անվտանգության խորհրդի արձագանքի ձախողումը չի նվազեցնում այս ճգնաժամի լրջությունը և չի թուլացնում Արաբական Միացյալ Էմիրությունների վճռականությունը։ Մենք նաև շնորհակալություն ենք հայտնում Բահրեյնի Թագավորությանը Անվտանգության խորհրդում նրա առաջնորդության և դիվանագիտական ջանքերի համար։ ԱՄԷ-ն շարունակելու է համախմբել միջազգային ջանքերը՝ վերաբացելու Հորմուզի նեղուցը, ինչպես նաև աշխատանքը իր գործընկերների հետ՝ ապահովելու նավարկության անվտանգությունը և վերականգնելու համաշխարհային առևտրի հոսքը»,- ասված է հաղորդագրությունում։
Ավելի վաղ տեղեկացրել էինք, որ Ռուսաստանը և Չինաստանը խափանել են ՄԱԿ-ի ԱԽ-ի բանաձևը՝ Հորմուզի նեղուցի հարցով։