17.08.2026 | 18:06
«Յաբլոկո»-ի փոխնախագահ Լև Շլոսբերգը 11 տարվա ազատազրկման է դատապարտվել ռազմական «կեղծիքների» և ՌԴ բանակը «վարկաբեկելու» գործով
Վենսը հայտարարում է, որ Իրանում պատերազմը կավարտվի «շատ շուտով»
Քաղաքականություն
07.04.2026 | 18:10
ԱՄՆ փոխնախագահ Ջեյ Դի Վենսը Հունգարիայում տեղի ունեցած մամուլի ասուլիսի ժամանակ ասել է, որ Իրանում պատերազմը կավարտվի «շատ շուտով», բայց «վերջնական արդյունքի բնույթը, ի վերջո, կախված է իրանցիներից», գրում է NBC News-ը։
«Նախագահը Միացյալ Նահանգներում մոտ 12 ժամվա վերջնաժամկետ է սահմանել», – ասել է նա։ «Մենք դա պարզելու ենք, բայց մինչ այդ շատ բանակցություններ են լինելու, և ես հույս ունեմ, որ դա լավ հանգուցալուծման կհանգեցնի»,- նշել է Վենսը։
Վենսը Բուդապեշտում է կիրակի օրը կայանալիք խորհրդարանական ընտրություններից առաջ աջակցելու Հունգարիայի վարչապետ Վիկտոր Օրբանին, որը Թրամփի վարչակազմի կարևոր դաշնակիցն է։
Ապրիլի 12-ի ընտրությունները համարվում են Օրբանի գրեթե 40 տարվա քաղաքական կարիերայի ամենադժվար մարտահրավերը։ Նա 2010 թվականից ի վեր անընդմեջ հաղթել է չորս ընտրություններում։
Վենսին և նրա կնոջը՝ Ուշային, դիմավորել է արտաքին գործերի նախարար Պետեր Սիյարտոն, որը հունգարական լրատվամիջոցներին ասել է, որ Օրբանի բարեկամությունը նախագահ Դոնալդ Թրամփի հետ «նոր ոսկե դարաշրջան» է ստեղծել հարաբերություններում։
«Ես անհամբեր սպասում եմ իմ լավ ընկեր Վիկտորին տեսնելուն, և մենք կքննարկենք ԱՄՆ-Հունգարիա հարաբերություններին վերաբերող բազմաթիվ հարցեր», – լրագրողներին ասել էր Վենսը Վաշինգտոնից մեկնելիս։
Թարգմանությունը՝ Էմմա Չոբանյանի
