29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Կարեն Խաչանով․ Կա զայրույթ և հիասթափություն
07.04.2026 | 17:23
Աշխարհի 14-րդ ռակետ Կարեն Խաչանովը Մոնտե Կառլոյում ընթացող թենիսի «Մասթերս» շարքի մրցաշարի առաջին շրջանում պարտվելուց հետո անդրադարձել է իր անհաջող ելույթներին։
«Չէի ասի, որ հիմա կա անհանգստություն։ Դա ավելի շատ զայրույթ է և, հավանաբար, որոշակի հիասթափություն այն փաստից, որ դու աշխատում ես, փորձում ես կատարելագործվել, բայց չես ստանում այն, ինչ ակնկալում էիր արդյունքների առումով։ Այդ պատճառով նման մեծ էմոցիաներ ունեմ այս պահին։
Հաջորդը մասնակցելու եմ Բարսելոնայի մրցաշարին։ Միշտ կա հաջորդ մրցաշարը։ Երբ գործադրում ես մեծ ջանքեր ու չես հասնում ցանկալի արդյունքի, մոտիվացիան մի քիչ նվազում է։ Սակայն ես հասկանում եմ, որ վաղը գալու է նոր օր՝ իր հետ բերելով նոր հնարավորություններ»,- Ռուսաստանը ներկայացնող հայ թենիսիստի խոսքը մեջբերում է «Больше!»-ն։
Հիշեցնենք, որ նախորդ 7 մրցախաղում Կարեն Խաչանովը կրել է 5 պարտություն։
