27.07.2026 | 19:08
Մ-17 ԱԱ․ Արարատ Ավետիսյանը և Վազգեն Մնացականյանը բրոնզե մեդալի համար կգոտեմարտեն Բաքվում
Իրանի Խարգ կղզում պայթյուններ են գրանցվել․ ՏԵՍԱՆՅՈՒԹ
Քաղաքականություն
07.04.2026 | 17:58
Իրանի Խարգ կղզում պայթյուններ են գրանցվել։ Այս մասին հաղորդում է իրանական Mehr լրատվական գործակալությունը, գրում է DW-ն։ Գործակալությունը հայտնել է, որ կղզին, որը զբաղվում է երկրի նավթի արտահանման մեծ մասով, հարձակման տակ է։
ԱՄՆ-ն հարվածներ է հասցրել Իրանի Խարգ կղզում գտնվող ռազմական թիրախների։ Այս մասին էլ հայտնում է Axios-ը հղում անելով ԱՄՆ անանուն բարձրաստիճան պաշտոնյայի։
ԱՄՆ նախագահ Դոնալդ Թրամփը վերջերս սպառնացել էր ոչնչացնել կղզին, եթե շուտով չհաջողվի համաձայնության գալ պատերազմի ավարտի վերաբերյալ և «անհապաղ» չբացվի Հորմուզի նեղուցը։
Բացի այդ`երկու մարդ զոհվել է Իրանի կենտրոնական Քաշան քաղաքում երկաթուղային կամրջի վրա ԱՄՆ-Իսրայելի հարձակման հետևանքով։ Իրանի հյուսիսում գտնվող կարևորագույն մայրուղին, որը Թավրիզը Զանջանով կապում է Թեհրանի հետ, նույնպես փակվել է Թավրիզից մոտ 90 կիլոմետր հեռավորության վրա տեղի ունեցած վթարից հետո, հայտնել է IRNA-ն։
Թեհրանից ոչ հեռու՝ Քարաջ և Ֆարդիս քաղաքների որոշ հատվածներում էլեկտրաէներգիայի անջատումներ են եղել, այն բանից հետո, երբ ավիահարվածների հետևանքով շարքից դուրս են եկել էլեկտրահաղորդման գծերը և էլեկտրակայանը։
ԱՄՆ նախագահ Դոնալդ Թրամփը երեքշաբթի օրը սպառնացել էր հարվածել Իրանի ենթակառուցվածքներին, եթե Թեհրանը չհամաձայնի պատերազմը դադարեցնելու համաձայնագրի հետ։
Թարգմանությունը` Էմմա Չոբանյանի
