02.07.2026 | 16:32
ՔԿ-ն մանրամասներ է հայտնում գնդապետ Էդիկ Մալոյանի ձերբակալությունից
Իսլամ Մախաչևը հայտնել է՝ ինչու չի կայացել Իլյա Տոպուրիայի դեմ մենամարտը
07.04.2026 | 16:06
UFC-ի կիսամիջին քաշային կարգի չեմպիոն Իսլամ Մախաչևը հայտնել է, թե ինչու չի անցկացվելու Իլյա Տոպուրիայի դեմ մենամարտը Սպիտակ տանը կայանալիք մրցաշարում։ Ավելի վաղ UFC-ի թեթև քաշային կարգի չեմպիոն Տոպուրիան հայտարարել էր, որ ռուսաստանցի մարտիկը հրաժարվել է իր դեմ մենամարտից։
«Արդեն հոգնել եմ լսել Տոպուրիայի և նրա թիմի հորինած պատմությունները։ Ինձ զանգեցին և առաջարկեցին մենամարտել Սպիտակ տանը։ Ես համաձայնեցի։ Հաջորդ օրն ինձ ասացին, որ Տոպուրիան պահանջել է անիրական հոնորար։ UFC-ն մերժել է, և նա հրաժարվել է մենամարտից։ Ահա և վերջ։
Նույնիսկ նրա մենեջերն է հաստատել դա։ Իլյա, դադարի՛ր շատախոսել։ Ամեն հարցազրույցում դու տարբեր պատմություններ ես հորինում։ Դու հրաժարվեցիր մենամարտից, և դու գիտես դա»,- սոցիալական ցանցերում գրել է Իսլամ Մախաչևը։
Հիշեցնենք, որ Իսլամ Մախաչևը չի մասնակցելու հունիսի 14-ին Վաշինգտոնի Սպիտակ տանը կայանալիք մրցաշարին, որի գլխավոր մենամարտում Իլյա Տոպուրիան մրցելու է UFC-ի թեթև քաշային կարգում ժամանակավոր չեմպիոն, ամերիկացի Ջասթին Գեյջիի հետ։
