02.07.2026 | 17:51
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Նավթի գները բարձրանում են Թրամփի սահմանած՝ Հորմուզի նեղուցի վերաբերյալ վերջնաժամկետին զուգահեռ
Քաղաքականություն
07.04.2026 | 17:14
Նավթի գները կտրուկ բարձրացել են երեքշաբթի առավոտյան առևտրի սկզբում՝ պայմանավորված ԱՄՆ նախագահի Թրամփի՝ Իրանի համար սահմանած վերջնաժամկետի մոտեցմամբ․ կամ բացել Հորմուզի նեղուցը, կամ ենթարկվել «ոչնչացման»․ գրում է DW-ն։
Brent տեսակի նավթի գինը գերազանցել է մեկ բարելի դիմաց 111 դոլարը՝ պատերազմի սկզբից ի վեր աճելով ավելի քան 50%-ով։ Ամերիկյան West Texas Intermediate նավթի գինը բարձրացել է մոտ 115 դոլարի՝ հասնելով վերջին մեկ ամսվա ամենաբարձր մակարդակին։
Իրանը նախազգուշացրել է, որ ԱՄՆ-ի կողմից իր կամուրջներին կամ էլեկտրակայաններին ցանկացած հարված կհանգեցնի պատասխան քայլերի՝ ուղղված Պարսից ծոցի երկրների էներգետիկ ենթակառուցվածքներին։
Նման զարգացումը կարող է ավելի նվազեցնել արդեն իսկ սահմանափակ նավթային պաշարները և խորացնել համաշխարհային տնտեսության ռիսկերը։
ԱՄՆ նախագահ Դոնալդ Թրամփը սպառնացել է ոչնչացնել Իրանի բոլոր կամուրջներն ու էլեկտրակայանները վերջնագրի ժամկետը լրանալուց մի քանի ժամ անց։ Ապրիլի 6-ին Սպիտակ տանը ելույթ ունենալով՝ նա ասել է, որ Միացյալ Նահանգները կարող է ապահովել Իրանի «լիակատար ոչնչացումը» չորս ժամվա ընթացքում։
Թեհրանին ուղղված վերջնագրի ժամկետը, որը պահանջում է բացել Հորմուզի նեղուցը՝ լրանում է չորեքշաբթի վաղ առավոտյան Երևանի ժամանակով ժամը 4:00-ին։
Թարգմանությունը` Էմմա Չոբանյանի
