27.10.2026 | 00:08
Վարդան Մինասյանն աշխատանքի է անցել Լիբանանում
Մեդիան պետք է բացահայտ նշի AI-ով ստեղծված կամ փոփոխված բովանդակությունը, հակառակ դեպքում՝ կտուգանվի․ ՏԵՍԱՆՅՈՒԹ
Տեսանյութեր
07.04.2026 | 14:23
ԱԺ արտահերթ նիստում ԲՏԱ նախարար Մխիթար Հայրապետյանը ներկայացրեց «Տեսալսողական մեդիայի մասին» օրենքում լրացումներ կատարելու մասին կառավարության նախագիծը։
Նախարարի խոսքով՝ օրենսդրական փոփոխությունների նպատակն է պարտադրել տեսալսողական մեդիա ծառայություններ մատուցող հեռարձակողներին հստակ մակնշել այն բովանդակությունը, որը ստեղծվել է արհեստական բանականության կամ այլ թվային տեխնոլոգիաների միջոցով։
Նախագծի ընդունման դեպքում հեռուստաընկերությունները և այլ հեռարձակողներ պարտավոր կլինեն նշել, որ տվյալ նյութը գեներացված է արհեստական բանականությամբ՝ ապահովելով դրա տեսանելի ճանաչելիությունը դիտողների համար։
Հարցուպատասխանի ընթացքում ՔՊ-ական պատգամավոր Լուսինե Բադալյանը հետաքրքրվեց, թե ինչ պատասխանատվություն է նախատեսվում այն դեպքերում, երբ հեռարձակողները չեն կատարում պարտադիր մակնշումը։
Ի պատասխան՝ Մխիթար Հայրապետյանը պարզաբանեց, որ կարգավորումները վերաբերում են հեռուստատեսության և ռադիոյի ոլորտին, իսկ վերահսկողությունն իրականացնելու է Հեռուստատեսության և ռադիոյի հանձնաժողովը։
Նա հավելեց, որ խախտումների դեպքում նախատեսվում է վարչական տուգանք՝ սահմանված նվազագույն աշխատավարձի 300-ապատիկի չափով։
Մանրամասները՝ տեսանյութում։
