06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ջերմոցների և ջրավազանների համար տուրքը էապես իջեցվում է․ Վարդանյանը ներկայացրեց նախագիծը․ ՏԵՍԱՆՅՈՒԹ
Տեսանյութեր
07.04.2026 | 14:10
Ազգային ժողովի արտահերթ նիստում ՔՊ-ական պատգամավոր Ծովինար Վարդանյանը ներկայացրեց «Տեղական տուրքերի և վճարների մասին» օրենքում փոփոխությունների նախագիծը, որով առաջարկվում է վերանայել ջերմոցների և գյուղատնտեսական ջրավազանների համար սահմանված շինթույլտվությունների վճարները։
Պատգամավորի խոսքով՝ փոփոխությունների նպատակը գյուղատնտեսության ոլորտում ներդրումների խթանումն է՝ հատկապես ջերմոցային տնտեսությունների և ոռոգման համակարգերի զարգացման ուղղությամբ։
«Մենք խրախուսում ենք մեծ ջերմատների կառուցումը, սակայն գործող տուրքերը հակասական իրավիճակ են ստեղծում ներդրողների համար»,- նշեց նա։
Նախագծով առաջարկվում է ջերմոցների և ջրավազանների համար սահմանել բացառություն կամ մեղմացված կարգավորում՝ նվազեցնելով շինթույլտվության հետ կապված ծախսերը։
Վարդանյանը նաև ընդգծեց, որ նախաձեռնությունը քննարկվել է համայնքային ներկայացուցիչների հետ, և նրանց գնահատմամբ՝ տուրքերի նվազեցումը կարող է խթանել ներդրումների աճը։
Պատգամավորի խոսքով՝ ներկայումս շուրջ 25 մլն դոլարի ներդրումային ծրագրեր սպասում են այս փոփոխությունների ընդունմանը, ինչը նաև պայմանավորում է նախագծի հրատապությունը։
Մանրամասները՝ տեսանյութում։
