08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Հարի Մագուայրը նոր պայմանագիր է կնքել «Մանչեսթեր Յունայթեդի» հետ
07.04.2026 | 14:18
Անգլիական «Մանչեսթեր Յունայթեդը» և պաշտպան Հարի Մագուայրը երկարաձգել են գործող պայմանագիրը, որի ժամկետը լրանում էր այս մրցաշրջանի վերջում։
Անգլիացի ֆուտբոլիստի նոր պայմանագիրը նախատեսված է մինչև 2027 թ․ ամառ և ունի ևս մեկ տարով երկարաձգելու հնարավորություն, հաղորդում է ակումբի պաշտոնական կայքը։
33-ամյա Մագուայրը 2019 թվականին անգլիական «Լեսթերից» է տեղափոխվել «Մանչեսթեր Յունայթեդ», որի կազմում այս մրցաշրջանում անցկացրել է 20 հանդիպում, դարձել 2 գոլի ու 1 գոլային փոխանցման հեղինակ։ Մանչեսթերյան ակումբի հետ պաշտպանը դարձել է Անգլիայի գավաթակիր ու Անգլիական լիգայի գավաթի հաղթող։ Transfermarkt-ը 10 միլիոն եվրո է գնահատում անգլիացու տրանսֆերային արժեքը։
