19.06.2026 | 12:45
Մոսկվայի նավթավերամշակման գործարանի պահուստարանի կափարիչը պայթել է ռուսական ՀՕՊ-ի հրթիռից
Փեզեշքիանը հայտարարել է, որ 14 միլիոն իրանցիներ, այդ թվում՝ ինքը, պատրաստ են իրենց կյանքը զոհաբերել հանուն Իրանի
Քաղաքականություն
07.04.2026 | 15:32
Իրանի նախագահ Մասուդ Փեզեշքիանը հայտարարել է, որ ավելի քան 14 միլիոն իրանցիներ, այդ թվում և ինքը, պատրաստ են «զոհաբերել իրենց կյանքը երկրի պաշտպանության համար»։
«Ավելի քան 14 միլիոն քաջարի իրանցիներ մինչ օրս հայտարարել են իրենց կյանքը զոհաբերելու պատրաստակամության մասին՝ Իրանը պաշտպանելու համար։ Ես նույնպես զոհաբերել եմ իմ կյանքը Իրանի համար, ես դա անում եմ և շարունակելու եմ անել»,- գրում է նա X-ի իր էջում։
Իրանի պետական հեռուստատեսությունը երեքշաբթի օրը նաև հայտարարել է, որ 14 միլիոն մարդ կամավորագրվել է կռվելու, եթե ԱՄՆ-ն ու Իսրայելը իրականացնեն ցամաքային ներխուժում: Հայտարարությունը որևէ այլ հիմնավորող տեղեկատվություն չի ներառել։ Իրանում ապրում է մոտ 90 միլիոն մարդ։
Այս թիվը կրկնապատկում է խորհրդարանի խոսնակ Մոհամմադ Բաղեր Ղալիբաֆի ապրիլի 2-ին արված պնդումը, որը X-ում գրել էր, որ «երկրում ծավալված հզոր ազգային արշավը առաջ է մղել մոտ 7 միլիոն իրանցիների, որոնք արդեն իսկ հայտարարել են, որ պատրաստ են զենք վերցնել և պաշտպանել մեր ազգը»։
Ղալիբաֆը հավելել էր. «Դուք գալիս եք մեր տան հետևից.. դուք հանդիպելու եք ամբողջ ընտանիքի հետ»։
Հաղորդվում է, որ կառավարությունը նաև կոչ է արել թոշակի անցած զինվորներին հետաքրքրություն ցուցաբերել մարտական գործողություններին մասնակցելու համար, իսկ «Բասիջը» սկսել իր շարքերում ընդունել 12 տարեկան երեխաների։
Թարգմանությունը`Էմմա Չոբանյանի
