Իրանը շարունակում է հարվածներ հասցնել տարածաշրջանի երկրներին

Թեհրանը շարունակում էր իր հակահարվածները: BBC-ն հայտնում է, որ Իրանը հարվածներ է հասցրել տարածաշրջանի մի շարք երկրների։

Սաուդյան Արաբիա. Պաշտպանության նախարարությունը հայտարարում է, որ վերջին մի քանի ժամերի ընթացքում ոչնչացրել է երկրի վրա արձակված 18 անօդաչու թռչող սարք: Սաուդյան Արաբիան նաև փակել է Ֆահդ թագավորի ճանապարհը՝ միակ ճանապարհը, որը այն կապում է Բահրեյնի հետ, այն բանից հետո, երբ Իրանը սպառնացել էր հարվածել արևելյան նահանգին, որտեղ տեղակայված է ԱՄՆ ռազմածովային նավատորմը։  Ավելի ուշ Սաուդյան Արաբիայի և Բահրեյնի միջև միակ ցամաքային ճանապարհը վերաբացվել է։

Բահրեյն. Իշխանությունները խնդրել են բնակիչներին գիշերը ապաստան գտնել մոտակա անվտանգ վայրում, քանի որ ակտիվացել են տագնապի ազդանշանները։

Արաբական Միացյալ Էմիրություններ.  Երկուշաբթի օրը ՊՆ-ն հայտարարել է, որ պատերազմի սկսվելուց ի վեր ԱՄԷ-ի վրա արձակվել է 519 բալիստիկ հրթիռ և 2210 անօդաչու թռչող սարք։

Իսրայել. Արտակարգ իրավիճակների ծառայությունները հրապարակել են Իսրայելի կենտրոնում իրանական բալիստիկ հրթիռի կողմից պատճառված վնասի կադրեր: Նրանք չեն նշել, թե արդյոք որևէ մեկը վիրավորվել է այդ կոնկրետ հարձակման ժամանակ, սակայն Առողջապահության նախարարությունը հայտնում է, որ վերջին օրվա ընթացքում 133 մարդ տեղափոխվել է հիվանդանոց։

Իրաք. Իրաքյան Քուրդիստանի մայրաքաղաք Էրբիլում ամուսիններ են զոհվել: Kuna լրատվական գործակալությունը հայտնում է, որ դա Իրանի կողմից իրականացված անօդաչու թռչող սարքի հարձակման հետևանք է։

Թարգմանությունը`Էմմա Չոբանյանի