08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Իսրայելի բանակը հայտարարել է, որ հարվածել է Իրանի՝ բալիստիկ հրթիռների համար նյութեր արտադրող մի գործարանի
Քաղաքականություն
07.04.2026 | 15:43
Իսրայելի պաշտպանության բանակը հաստատում է, որ երեկ Իրանում ռմբակոծվել է մեկ այլ նավթաքիմիական օբյեկտ՝ նշելով, որ այն «մնացած քիչ օբյեկտներից մեկն» է, որը բալիստիկ հրթիռների համար նյութեր է արտադրում։
Իրանական լրատվամիջոցները երեկ հաղորդել էին, որ ավիահարվածները հասցվել են Շիրազի մոտ գտնվող Մարվդաշտ նավթաքիմիական համալիրին՝ Իսրայելի ռազմաօդային ուժերի կողմից Ասալույեում գտնվող Իրանի ամենամեծ նավթաքիմիական օբյեկտի ռմբակոծությունից մի քանի ժամ անց։
Իսրայելի պաշտպանության բանակը նշում է, որ այս վայրը «Իրանում պայթուցիկ նյութերի և բալիստիկ հրթիռների համար անհրաժեշտ քիմիական բաղադրիչներ արտադրելու համար մնացած քիչ համալիրներից մեկն էր», Ասալույեի նավթաքիմիական օբյեկտին և Իրանի հարավում շաբաթավերջին հարվածներ հասցնելուց հետո։
Երեկ նաև Իսրայելի պաշտպանության բանակը հարվածել էր Իրանի բալիստիկ հրթիռային ուժերի օբյեկտին Իրանի հյուսիս-արևմուտքում, որտեղից, ըստ բանակի, տասնյակ հրթիռներ են արձակվել Իսրայելի ուղղությամբ։
«Հրթիռային հարվածը հասցվել է այն ժամանակ, երբ հրթիռային կայանքի զինվորներն ու հրամանատարները գործում էին այնտեղ՝ առաջխաղացման և Իսրայելի պետության և այլ երկրների դեմ ահաբեկչական գործողություններ իրականացնելու համար», – ասվում է հայտարարության մեջ։
Բացի այդ, ըստ տեղական լրատվամիջոցների տարածած հաղորդագրության, Իրանի մայրաքաղաքում պայթյուններ են որոտացել։
AFP-ի լրագրողը հաստատել է, որ քաղաքի հյուսիսից լսվել են մի շարք պայթյուններ։ Տեղական «Շարղ» թերթը հայտնում է, որ Իրանի մայրաքաղաքում լսվել է երեք պայթյուն։ IRNA լրատվական գործակալության հաղորդմամբ ՝ Խորամաբադի օդանավակայանը հարվածների է ենթարկվել։
Թարգմանությունը`Էմմա Չոբանյանի
