30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հայ մարմնամարզիկները կմասնակցեն աշխարհի գավաթի վերջին փուլին
07.04.2026 | 12:21
Սպորտային մարմնամարզության աշխարհի գավաթի խաղարկության վերջին փուլը կկայանա ապրիլի 9-12-ը Խորվաթիայի Օսիեկ քաղաքում։
Հայաստանի հավաքականը կունենա չորս մասնակից՝ Արթուր Դավթյան, Արթուր Ավետիսյան, Համլետ Մանուկյան և Մամիկոն Խաչատրյան, հաղորդում է ՀՄՖ մամուլի ծառայությունը։
Դոհայում նախատեսված աշխարհի գավաթի հերթական փուլը չեղարկվել է։
Օրերս հայ մարմնամարզիկները մասնակցել էին Եգիպտոսի մայրաքաղաք Կահիրեում անցկացված աշխարհի գավաթի չորրորդ փուլին և նվաճել 2 ոսկե ու 1 արծաթե մեդալ։ Արթուր Դավթյանը հաղթել էր հենացատկի վարժությունում, Համլետ Մանուկյանը՝ նժույգ թափերում, իսկ Արթուր Ավետիսյանն արծաթե մեդալի էր արժանացել օղակների վարժությունում։
Հիշեցնենք, որ փետրվարին հայ մարմնամարզիկները մասնակցել էին Գերմանիայում կայացած աշխարհի գավաթի առաջին փուլին, այնուհետև բաց էին թողել հաջորդ երկու փուլերը, որոնք տեղի էին ունեցել Թուրքիայում և Ադրբեջանում։
