02.07.2026 | 17:51
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Ըստ Թեհրանի՝ ԱՄՆ-Իսրայել հարվածներից ավերվել է Թեհրանի կենտրոնում գտնվող սինագոգը
Քաղաքականություն
07.04.2026 | 14:51
ԱՄՆ-Իսրայելի հարվածները «ամբողջությամբ ավերել են» Թեհրանում կենտրոնում գտնվող սինագոգը, հաղորդում են իրանական Mehr լրատվական գործակալությունը և «Շարղ» օրաթերթը, գրում է France 24-ը։
«Նախնական տեղեկությունների համաձայն՝ Ռաֆի-Նիա սինագոգն ամբողջությամբ ավերվել է այսօր առավոտյան տեղի ունեցած հարձակումների ժամանակ», – գրել է Շարղը։
Հուդայականությունը Իրանի պաշտոնական կրոններից մեկն է, և երկրում կա փոքր հրեական համայնք, չնայած նրա շատ անդամներ փախել են 1979 թվականի իսլամական հեղափոխությունից հետո։
Բացի այդ՝ երեքշաբթի առավոտյան Իսրայելի զինվորականները զգուշացրել են Իրանի բնակիչներին մի քանի ժամով խուսափել գնացքներից օգտվելուց։ X սոցիալական ցանցում հրապարակված հայտարարության մեջ ռազմական խոսնակ Ավիչայ Ադրային կոչ է արել բնակիչներին չօգտվել երկաթուղային տրանսպորտից մինչև տեղական ժամանակով ժամը 21:00-ն։
«Գնացքներում կամ երկաթուղիների մոտ գտնվելը վտանգի է ենթարկում ձեր կյանքը», – զգուշացրել է նա։
ԱՄՆ-ն և Իսրայելը փետրվարի 28-ին համատեղ հարձակում սկսեցին Իրանի վրա, որի հետևանքով մինչ օրս զոհվել է ավելի քան 1340 մարդ, այդ թվում՝ այն ժամանակվա գերագույն առաջնորդ Ալի Խամենեին։
Իրանը հակադարձում է անօդաչու թռչող սարքերով և հրթիռային հարվածներով, որոնք ուղղված են Իսրայելին, ինչպես նաև Հորդանանին, Իրաքին և Պարսից ծոցի երկրներին, որտեղ կան ԱՄՆ ռազմական ակտիվներ։
Թարգմանությունը`Էմմա Չոբանյանի
