24.07.2026 | 10:53
Ռոսսելխոզնադզորը հուլիսի 27-ից կսահմանափակի Հայաստանից կաթնամթերքի ներմուծումը
Իրանը մերժել է ԱՄՆ-ի առաջարկը՝ ժամանակավոր հրադադարի վերաբերյալ
Քաղաքականություն
06.04.2026 | 19:51
Իրանի իշխանությունները Պակիստանի միջոցով փոխանցել են իրենց պատասխանը ԱՄՆ-ի 45-օրյա հրադադարի առաջարկին: Ըստ պետական IRNA լրատվական գործակալության՝ Թեհրանի պատասխանը բաղկացած է տասը կետից, որում մերժում են ժամանակավոր հրադադարը և պահանջում պատերազմի մշտական դադարեցում:
Ըստ IRNA-ի լրագրողի՝ երկու շաբաթ տևած համապարփակ ուսումնասիրություններից հետո Իրանը արտացոլել է իր արձագանքը Պակիստանին պատերազմը դադարեցնելու ԱՄՆ-ի առաջարկին։
Տասը պարբերությունից բաղկացած այս պատասխանում Իրանը, հաշվի առնելով նախորդ փորձը, մերժում է հրադադարը, ընդգծում է պատերազմի մշտական դադարեցման անհրաժեշտությունը՝ հարգելով Իրանի նկատառումները։
Նշվում է, որ այս պատասխանը ներառում է իրանական պահանջների մի շարք, այդ թվում՝ տարածաշրջանում հակամարտությունների դադարեցում, Հորմուզի նեղուցով անվտանգ անցման արձանագրում, վերակառուցում և պատժամիջոցների վերացում։
Ավելի վաղ այսօր Reuters-ը հաղորդել էր, որ Պակիստանը պատրաստել է ռազմական գործողությունները դադարեցնելու շրջանակային համաձայնագիր։
Axios-ը, հղում անելով աղբյուրներին, հաղորդել էր, որ ԱՄՆ-ն և Իրանը տարածաշրջանային միջնորդների միջոցով քննարկում են 45-օրյա հրադադարի պայմանները, որոնք կարող են հանգեցնել պատերազմի վերջնական դադարեցմանը։
Թարգմանությունը`Էմմա Չոբանյանի
