29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
06.04.2026 | 19:10
Օլիմպիական խաղերի արծաթե ու բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը նվաճել է Եգիպտոսի մայրաքաղաք Կահիրեում ընթացող սպորտային մարմնամարզության աշխարհի գավաթի խաղարկության չորրորդ փուլի հաղթողի կոչումը։
Հենացատկի վարժության եզրափակիչում 33-ամյա մարմնամարզիկը հավաքել է 14,666 միավոր։ Երկրորդ տեղը գրավել է ղազախ Ասան Սալիմովը (14,083), լավագույն եռյակը եզրափակել է չեխ Յոնաս Դանեկը (14,016)։
Ավելի վաղ Հայաստանի ներկայացուցիչներից Համլետ Մանուկյանը դարձել էր նժույգ թափեր վարժության հաղթող, իսկ Արթուր Ավետիսյանն արծաթե մեդալի էր արժանացել օղակների վարժությունում։
Հիշեցնենք, որ փետրվարին հայ մարմնամարզիկները մասնակցել էին Գերմանիայում կայացած աշխարհի գավաթի խաղարկության առաջին փուլին, այնուհետև բաց էին թողել հաջորդ երկու փուլերը, որոնք տեղի էին ունեցել Թուրքիայում ու Ադրբեջանում։
