Էրիթրեայի հավաքականի 7 ֆուտբոլիստներ անհետացել են Հարավային Աֆրիկայում խաղից հետո
Էրիթրեայի հավաքականի 7 ֆուտբոլիստներ անհետացել են Էսվատինիի հավաքականի դեմ Աֆրիկայի Ազգերի գավաթի որակավորման փուլի հանդիպումից հետո։ Այդ մասին սոցցանցերում հայտնել է լրագրող Ռոմեն Մոլինան։
Այդ հանդիպումն անցկացվել էր Հարավային Աֆրիկայում։ Էրիթրեայի հավաքականը հաղթել է 2։1 հաշվով։ Խաղից հետո 7 ֆուտբոլիստներ չեն վերադարձել հայրենիք։ Նրանք հանդես են գալիս Էրիթրեայի ակումբներում։
Էրիթրեայի հավաքականը 2019-2025 թվականներին չի մասնակցել ընկերական կամ պաշտոնական խաղերի, ինչի պատճառով հեռացվել է ՖԻՖԱ-ի դասակարգման աղյուսակից։ Այժմ թիմը զբաղեցնում է 184-րդ տեղը։