26.10.2026 | 13:02
Տավուշում մոլորվելու հետևանքով ՀՀ տարածք անցած Ադրբեջանի քաղաքացին վերադարձվել է Ադրբեջան․ ԱԱԾ
«Սանդերլենդի» մարզիչ. Ֆինն Գերագուսյանը բազմակողմանի խաղացող է
06.04.2026 | 12:30
Անգլիական «Սանդերլենդի» գլխավոր մարզիչ Ռեժիս Լե Բրիսն անդրադարձել է Հայաստանի ազգային հավաքականի նորեկ Ֆինն Գերագուսյանի առաջընթացին։ 18-ամյա հարձակվողը դեռ նորամուտը չի նշել «Սանդերլենդի» գլխավոր թիմում, բայց արդյունավետ խաղ է ցուցադրում երիտասարդական թիմերում։
«Նա մի քանի մարզում է անցկացրել մեզ հետ, և ինձ դուր են գալիս նրա տվյալները։ Նա լավ տղա է, որն ամուր կապ ունի ակումբի և տարածաշրջանի հետ։ Նա իսկապես բազմակողմանի խաղացող է։ Նա դեռ երիտասարդ է, ուստի դեռ շատ բան ունի կատարելագործելու, բայց մինչև այժմ մենք գոհ ենք նրանից»,- մարզիչի խոսքը մեջբերում է «Սանդերլենդի» պաշտոնական կայքը։
Հիշեցնենք, որ Գերագուսյանը մարտի 29-ին էր նորամուտը նշել Հայաստանի հավաքականում՝ մասնակցելով Բելառուսի դեմ Երևանում կայացած ընկերական հանդիպմանը (1:2), որում փոխարինման էր մտել 64-րդ րոպեին։ Ընթացիկ մրցաշրջանում հարձակվողը «Սանդերլենդի» տարբեր տարիքային թիմերում անցկացրել է 27 հանդիպում, դարձել 13 գոլի ու 3 գոլային փոխանցման հեղինակ։
