22.05.2026 | 11:19
Պատերազմը հասել է շրջադարձային կետի, Մոսկվայի նկատմամբ ճնշումը մեծանում է. Ուկրաինայի ԱԳ նախարար
Ռուսական զորքերը զանգվածային հարված են հասցրել Օդեսային. զոհվել է 3, վիրավորվել՝ 15 մարդ
Քաղաքականություն
06.04.2026 | 11:40
Ռուսական զորքերը լույս ապրիլի 6-ին զանգվածային օդային հարված են հասցրել Օդեսային, որի հետևանքով զոհվել է երեք մարդ, այդ թվում՝ մեկ երեխա։ Այս մասին հայտնել են Ուկրաինայի պետական արտակարգ իրավիճակների ծառայությունը և քաղաքի ռազմական վարչակազմի ղեկավար Սերգեյ Լիսակը, գրում է Current time-ը։
Օդեսայի տարածաշրջանային ռազմական վարչակազմի ղեկավար Օլեգ Կիպերը հաստատել է, որ զոհվել են 53-ամյա մի կին ու մայր ու դուստր, մայրը 30 տարեկան, երեխան՝ 2 տարեկան և 6 ամսական։ Նրա խոսքով՝ վիրավորվել է 15 մարդ, որոնցից 13-ը տեղափոխվել են հիվանդանոց՝ բեկորային վնասվածքներով, այրվածքներով և ծխի թունավորմամբ։
Լիսակը հայտնել է, որ վիարվորներից 2-ը ծանր վիճակում է, իսկ 8-ը՝ միջին ծանրության, այդ թվում՝ երկու տարեկան երեխա և երկու դեռահաս՝ 17 և 18 տարեկան։
Նա հավելել է, որ Պրիմորսկի շրջանում վնասվել է բազմահարկ բնակելի համալիր և 7 մասնավոր տուն, իսկ Կիևսկի շրջանում՝ մեկ բազմահարկ շենք, 5 մասնավոր տուն, մասնավոր նախադպրոցական հաստատություն, խանութ և 27 ավտոմեքենա։
Փրկարարական աշխատանքները շարունակվում են. փլատակների տակ կարող են մարդիկ լինել։ Պետական արտակարգ իրավիճակների ծառայությունը նշել է, որ գործի է դրվել շների ջոկատ։
Ուկրաինայի ռազմաօդային ուժերի տվյալներով՝ լույս ապրիլի 6-ի գիշերը Ռուսաստանը Ուկրաինայի վրա արձակել է 141 հարվածային անօդաչու թռչող սարք, որից 114-ը խոցվել է։
Թարգմանությունը`Էմմա Չոբանյանի
