06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հենրիխ Մխիթարյանը խաղադաշտ է վերադարձել իր նախկին թիմի դեմ գոլառատ խաղում․ ՏԵՍԱՆՅՈՒԹ
06.04.2026 | 10:51
Իտալիայի առաջնության 31-րդ տուրի կենտրոնական խաղում «Ինտերը» Միլանում ընդունել է «Ռոմային» ու վստահ հաղթանակ տարել 5:2 հաշվով՝ ընդհատելով 3-խաղյա առանց հաղթանակների շարքը։
Դաշտի տերերի կազմում դուբլի հեղինակ է դարձել վնասվածքից հետո խաղադաշտ վերադարձած արգենտինացի հարձակվող Լաուտարո Մարտինեսը, մեկական գոլ են խփել Հական Չալհանօղլուն, Մարկուս Թյուրամն ու Նիկոլո Բարելան։
Հայաստանի հավաքականի նախկին ավագ Հենրիխ Մխիթարյանն «Ինտերի» կազմում փոխարինման է դուրս եկել 76-րդ րոպեին։ 37-ամյա կիսապաշտպանն առաջին հանդիպումն է անցկացրել վնասվածքից ապաքինվելուց հետո՝ խաղալով իր նախկին թիմի դեմ։
«Ինտերը» 72 միավորով գլխավորում է մրցաշարային աղյուսակը և 9 միավոր առաջ է երկրորդ տեղում գտնվող «Միլանից», որը մեկ հանդիպում պակաս է անցկացրել։ «Ռոման» 54 միավորով 6-րդն է։
