06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իրանում փրկվել է անհետ կորած ամերիկացի զինծառայողը․ Թրամփ
Քաղաքականություն
05.04.2026 | 11:47
ԱՄՆ զինծառայողները փրկել են ամերիկյան մարտական ինքնաթիռի անձնակազմի անդամին, որը խոցվել էր Իրանի տարածքում։
«Նա մեզ մոտ է»,- գրել է ԱՄՆ նախագահ Դոնալդ Թրամփը Truth Social սոցիալական ցանցում՝ կիրակի՝ ապրիլի 5-ին։ Ամերիկացի զինվորականը, ով ունի գնդապետի կոչում, ստացել է վնասվածքներ, սակայն նրա կյանքին վտանգ չի սպառնում, ընդգծել է Սպիտակ տան ղեկավարը։
Օպերացիայի շրջանում տեղի է ունեցել ուժգին հրաձգություն, հաղորդել է «Ալ Ջազիրա» հեռուստաալիքը՝ հղում անելով ԱՄՆ վարչակազմի անանուն ներկայացուցչին։ Իրանի Իսլամական հեղափոխության պահապանների կորպուսին մոտ Tasnim գործակալությունը ավելի վաղ նշել էր, որ տարածաշրջանը ենթարկվել է օդային հարձակման։
Երկու օր առաջ ԱՄՆ վարչակազմը հաստատել էր, որ Իրանի տարածքում խոցվել է ամերիկյան մարտական ինքնաթիռ։ ԱՄՆ զինվորականները սկսել էին փրկարարական գործողություն՝ անձնակազմին գտնելու համար՝ մինչև իրանցի զինվորների կողմից հայտնաբերվելը։ Ավելի ուշ անանուն ամերիկացի պաշտոնյաները CBS News-ին հայտնել էին, որ օդաչուներից մեկը փրկվել է, իսկ մյուսը համարվում է անհետ կորած։
