27.07.2026 | 17:11
Ադրբեջանը թուրքական նոր HÜRKUŞ-2 ինքնաթիռներ կգնի
Հովհաննես Բաչկովը հաղթել է նոկաուտով․ ՏԵՍԱՆՅՈՒԹ
04.04.2026 | 11:48
Տոկիոյի Օլիմպիական խաղերի բրոնզե մեդալակիր, Եվրոպայի եռակի չեմպիոն, աշխարհի առաջնության հնգակի բրոնզե մեդալակիր Հովհաննես Բաչկովը շարունակել է հաղթական շարքը պրոֆեսիոնալ ռինգում ու պաշտպանել WBA InterContinental տիտղոսը առաջին միջին քաշային կարգում։
Դուբայում կայացած BATL Promotions մրցաշարում 33-ամյա բռնցքամարտիկը նոկաուտով հաղթել է վենեսուելացի Լուիս Արկոնին, որն առաջին պարտությունն է կրել պրոֆեսիոնալ ռինգում։ Մենամարտն ավարտվել է չորրորդ ռաունդում։
Հովհաննես Բաչկովը Լուիս Ակրոնին հաղթել էր նաեւ Ռիո-2016-ի Օլիմպիական խաղերում։
Հայ բռնցքամարտիկը պրոֆեսիոնալ ռինգում անցկացրել է 9-րդ մենամարտը և տարել 9-րդ հաղթանակը։
Նույն երեկոյի ընթացքում հաղթանակի է հասել նաև Անահիտ Արոյանը։ Նա միավորներով հաղթել է զամբիացի Ալիս Մբեվեին՝ 80-72, 79-73, 79-73։ Արոյանը 17-րդ հաղթանակն է տարել պրոֆեսիոնալ ռինգում ու պաշտպանել է WBA Intercontinental գոտին։
