02.07.2026 | 13:41
«Կոնկրետ օրինակով եմ ցույց տալիս, թե ձեր նախագիծն ինչ բոբիկ ա»․ Գեղամ Մանուկյանը՝ ընտրական ցենզի մասին․ ՏԵՍԱՆՅՈՒԹ
Հենրիխ Մխիթարյանի նախկին մարզիչը սրտի երկու կաթված է ստացել մի քանի ժամում
03.04.2026 | 17:13
Ֆուտբոլի Ռումինիայի հավաքականի գլխավոր մարզիչի պաշտոնից հեռացած Միրչա Լուչեսկուն գտնվում է ծայրահեղ ճանր վիճակում, հաղորդում է ProSport-ը։
Ռումինացի 80-ամյա մասնագետը սրտի երկու կաթված է ստացել մի քանի ժամում։ Լուչեսկուն գտնվում է Բուխարեստի համալսարանական հիվանդանոցում։ Բժիշկները պայքարում են նրա կյանքի համար։
Օրեր առաջ Միրչա Լուչեսկուն սրտի կանգ էր ունեցել Ռումինիայի հավաքականի մարզման ժամանակ և տեղափոխվել հիվանդանոց։ Դրանից հետո նրա վիճակը գնահատվում էր կայուն։ Ապրիլի 2-ին հայտնի էր դարձել, որ մարզիչն այևս չի գլխավորելու Ռումինիայի հավաքականը, որը մարտի 26-ին աշխարհի առաջնության որակավորման փուլի անցումային փլեյ-օֆֆի կիսաեզրափակիչում 0։1 հաշվով պարտվել էր թուրքերին։
Հիշեցնենք, որ Միրչա Լուչեսկուն եղել է իտալական «Ինտերի» կիսապաշտպան Հենրիխ Մխիթարյանի մարզիչը։ Հայաստանի ազգային հավաքականի նախկին ավագը ռումինացի մարզիչի գլխավորությամբ 2010-2013թթ․ խաղացել է Դոնեցկի «Շախտյորում»։
