06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
ՀԸՖ․ Արթուր Ալեքսանյանը գորգում իր վերջնական խոսքը դեռ չի ասել
03.04.2026 | 16:17
Հայաստանի ըմբշամարտի ֆեդերացիան հայտարարությամբ է հանդես եկել Օլիմպիական խաղերի ոսկե, կրկնակի արծաթե, բրոնզե մեդալակիր, աշխարհի քառակի ու Եվրոպայի 7-ակի չեմպիոն Արթուր Ալեքսանյանի (97 կգ) ապագայի վերաբերյալ։
«Վերջին ժամերին մամուլում տարածվում է ինֆորմացիա, որ օլիմպական, աշխարհի ու Եվրոպայի բազմակի չեմպիոն Արթուր Ալեքսանյանը բաց է թողնելու 2026 թ-ը:
Պաշտոնապես հայտնում ենք, որ Արթուր Ալեքսանյանն, այս պահի դրությամբ, բաց է թողնելու միայն Եվրոպայի առաջնությունը, քանի որ ապաքինվում է վնասվածքից:
Արթուրը գորգում իր վերջնական խոսքը դեռ չի ասել»,- նշված է հաղորդագրության մեջ։
Ավելի վաղ «Շաբաթվա սպորտ» հաղորդման հեղինակ, ԿԳՄՍ նախարարի նախկին տեղակալ Կարեն Գիլոյանն Առաջին ալիքի եթերում հայտնել էր, որ Արթուր Ալեքսանյանը ժամանակավոր դադար է վերցրել կարիերայում, իսկ հունահռոմեական ոճի ըմբշամարտի Հայաստանի հավաքականի գլխավոր մարզիչ Արմեն Բաբալարյանը չէր հերքել այդ տեղեկությունը։
