15.05.2026 | 19:04
Արտերկում խաղացող 11 ֆուտբոլիստ հրավիրվել է Հայաստանի հավաքական
«Չելսին» առանցքային ֆուտբոլիստին 2 խաղով հեռացրել է՝ «Ռեալի» մասին հայտարարությունից հետո
03.04.2026 | 15:15
Լոնդոնի «Չելսիի» արգենտինացի կիսապաշտպան Էնցո Ֆերնանդեսն ակումբի որոշմամբ չի մասնակցի առաջիկա երկու խաղերին։ 25-ամյա ֆուտբոլիստը պատժվել է օրեր առաջ կատարած հայտարարության համար։ Ֆերնանդեսը նշել էր, որ դեմ չի լինի կարիերան շարունակել Մադրիդի «Ռեալում» և առայժմ չգիտի՝ արդյոք հաջորդ մրցաշրջանում խաղալու է «Չելսիի» կազմում։
«Չելսիի» գլխավոր մարզիչ Լիամ Ռոսենյորը մեկնաբանել է ստեղծված իրավիճակը․ «Էնցոն չի մասնակցի «Պորտ Վեյլի» դեմ գավաթային հանդիպմանն ու «Մանչեսթեր Սիթիի» դեմ առաջնության խաղին։ Նա հատել է թույլատրելի սահմանն ակումբի մշակույթի և այստեղ կառուցվող մեր տեսլականի առումով»,- մարզիչի խոսքը մեջբեում է Mirror-ը։
Էնցո Ֆերնանդեսը 2023 թվականից է հանդես գալիս «Չելսիում», որի կազմում այս մրցաշրջանում մասնակցել է 46 հանդիպման, դարձել 12 գոլի ու 6 գոլային փոխանցման հեղինակ։
