27.07.2026 | 17:03
Նեյմարը դուբլ է գրանցել ԱԱ-2026-ից հետո առաջին խաղում․ ՏԵՍԱՆՅՈՒԹ
Զելենսկին ամերիկյան պատվիրակությանը հրավիրել է Կիև՝ բանակցությունների և խնդրել ՌԴ-ին փոխանցել Զատկի հրադադարի առաջարկ
03.04.2026 | 17:25
«Ես ամերիկյան բանակցային պատվիրակությանը հրավիրել եմ Կիև»։ Այս մասին հայտարարել է Ուկրաինայի նախագահ Վլադիմիր Զելենսկին, գրում է BBC-ի ռուսական ծառայությունը։
Նա ասել է, որ պատվիրակությունը կանի ամեն ինչ՝ հաշվի առնելով Իրանի հետ շարունակվող պատերազմը, որպեսզի գա Ուկրաինայի մայրաքաղաք։
«Սա տեխնիկական խմբի մակարդակով եռակողմ հանդիպման այլընտրանքային տարբերակ է։ Ամերիկյան խումբը կարող է գալ մեզ մոտ, ապա մեկնել Մոսկվա։ Եթե մենք երեքով չկարողանանք հանդիպել, եկեք այսպես անենք», – նշում է Զելենսկին։
Նա հավելում է, որ Ուկրաինան աշխատում է Միացյալ Նահանգների կողմից անվտանգության երաշխիքների վերաբերյալ փաստաթղթի վրա: «Պետք է լինի հստակ պատասխան նրան, թե ինչպիսին կլինի ԱՄՆ-ի արձագանքը Ռուսաստանի նոր ագրեսիայի դեպքում», – ասել է Զելենսկին:
Ուկրաինայի նախագահը նաև լրագրողներին ասել է, որ խնդրել է ամերիկացիներին ռուսներին փոխանցել Զատկի օրը հրադադարի առաջարկ: Զելենսկին նշել է, որ վստահ չէ, թե արդյոք այս ուղերձը կհաջողվի փոխանցել Մոսկվային:
Զելենսկին նաև հայտարարել է, որ ռազմաճակատում իրավիճակը լավագույնն է Ուկրաինայի համար վերջին 10 ամսվա ընթացքում։ «Ես իմացել եմ [բրիտանական արտաքին հետախուզության] MI6-ի տեսակետը մեր ռազմաճակատում իրավիճակի վերաբերյալ, այն է, որ այն ներկայումս լավագույնն է Ուկրաինայի համար վերջին 10 ամիսների ընթացքում։ Սա նրանց եզրակացությունն է, և մեր բոլոր գործընկերները տեսնում են դա», – ասել է նա։
Զելենսկին հավելել է, որ հետախուզությունը կանխատեսում է, որ ռուսական զորքերը հարվածներ կհասցնեն լոգիստիկային, երկաթուղիներին և ջրամատակարարմանը։
Թարգմանությունը՝ Էմմա Չոբանյանի
